Luisito: "Quédannos 270 minutos de sufrir"

Partido clave para o futuro do Pontevedra que pode deixar a salvación practicamente pechada esta fin de semana se consegue sumar un triunfo ante o Sporting B en casa, nun duelo onde hai en xogo "tres puntos importantísimos xa que logo de conseguir a vitoria en Covadonga temos que facelos bos aquí", afirmou Luisito na rolda de prensa previa a final do próximo domingo ante a filial asturiano.

O adestrador granate destacou a importancia de que "o equipo chegue con tres partidos sen encaixar", pero lamentou a falta de puntería que o acompañou na maioría dos encontros nos cales se "chegamos a estar atinados, xa non digo o 50%, pero no 30 ou 40 das ocasións tivesemos gañado todos os partidos con moita solvencia. Son tempadas nas que necesitamos moitísimo para conseguir os nosos obxectivos e nas que sabemos que para marcar gol temos que ter moitas ocasións e a ver se o domingo temos dous, metemos dous e gañamos". 

Consciente da importancia de puntuar, o míster do bloque granate destacou a importancia de ter o balón ante un rival que vai dar o todo polo todo por roubar a pelota e mantela. "Temos que tratar o balón coma se fose a túa noiva ou a túa muller e tratar de gañar. Non hai máis", afirmou o teense que considera que "o equipo está nunha dinámica boa xa que en 11 partidos levamos 16 puntos e que mellorou bastante. Para min agora mesmo estase parecendo ao que eu quería, pero isto acábase". 

E debido aos poucos encontros que quedan de liga para conseguir a ansiada salvación, o duelo deste domingo vólvese fundamental e o persoal granate tratará de que "se finiquite xa" e lograr tres puntos que deixen practicamente o obxectivo conseguido. Con todo tras o Sporting B aínda quedarán dous encontros por disputarse, polo que Luisito quixo facer especial énfase en que nos quedan 270 minutos de sufrir como condenados". 

Desbasto clave ante un rival que non puxo as cousas nada sinxelas no choque da primeira volta, que é un filial preparado e duro a pesar de que xa confirmou o seu descenso de categoría, polo que o preparador do Pontevedra ten claro "como vai transcorrer o partido, pero confío na nosa mellor versión porque o necesitamos". 

O teense afirmou que "o filial asturiano gústame moito xa que xoga moi ben, ten futbolistas moi novos e coa chegada de Sergio ao banco melloraron moitísimo", un equipo que cumpre á perfección o perfil de equipo B e ao que definiu como "unha filial con todas as da lei". É por iso que o adestrador granate mentalizou ao persoal de que "vai haber momentos en que nos van a facer sufrir xa que van intentar de ter o balón e vai haber momentos nos que aos dous equipos vainos custar roubalo". 

BAIXAS. A este encontro o conxunto granate chega coas baixas por sanción de Víctor Vázquez e Pitu (que se perderá dous partidos tras a expulsión da xornada pasada ante o Covadonga) e ademais o técnico de Teo ten a dúbida de Álex González que "xogou con problemas o outro día e está entre algodóns, pero confío en que vai chegar ben ao domingo". O capitán granate "ten problemas nos isquios, algo normal ao andar cambiando de superficie e sobre todo polos minutos e os esforzos xa que el é un futbolista súper explosivo, que non regala nada e que se entrega ao 200%", tal e como explicou Luisito que engadiu que Jorge Fernández "está moito mellor". 

Con todo unha das baixas que máis preocupa ao preparador teense é a de Churre, home crave no esquema granate e que "para min é dos mellores centrais que hai, el sabe o que hai entre el e eu e preocúpame a súa baixa". Con todo Luisito confía en todos os seus homes e destacou que lle vai a substituír outro xogar no que tamén teño unha fe cega, non teño ningún problema". 

Baixas a ter en conta nun encontro clave onde o Pontevedra quere deixar pechada case ao 100% a súa permanencia na categoría.