Os receptores da Renda de Inclusión Social de Galicia, a Risga, caen preto dun 8% en Pontevedra. Así o poñen de manifesto os últimos datos dispoñibles facilitados pola Consellería de Política Social, que revelan que os beneficiarios desta axuda de máis de 400 euros na capital provincial a 30 de novembro de 2020 ascendían a 296, o que supoñen 25 menos que un ano antes.
Unha das razóns que explican este inusual descenso, que se produce nun momento de crise económica e social xerada pola pandemia do coronavirus, é a incompatibilidade da Risga con outras prestacións de carácter estatal ou local, como o ingreso mínimo vital ou a renda social municipal. Todas as axudas teñen a mesma finalidade: facilitar recursos a quen non os ten para evitar casos de pobreza.
Nos primeiros once meses do presente exercicio, a Xunta mobilizou 1.675.048 euros a través da Risga no municipio, 31.220 euros máis que durante o mesmo período de 2019. A nivel provincial, os fondos destinados a este programa chegaron a 4.512 persoas, 34 máis que un ano antes, e superaron os 22,8 millóns de euros. Ademais, en decembro anticipouse o pago da nómina para que os beneficiarios na cidade dispoñan desta prestación en Nadal.
Esta non é a única axuda que ten en marcha o Goberno galego para atender situacións de vulnerabilidade. Desde que empezou o ano
A Consellería mobilizou 1,6 millóns de euros para o pago da Risga desde xaneiro e concedeu 113 axudas de urxencia social
RENDA MUNICIPAL. Ademais do ingreso mínimo vital do Estado, outra das prestacións á que teñen dereitos os pontevedreses é a renda social municipal. Tras meses de trabas burocráticas, a axuda lanzada polo Concello estreouse antes do verán con oito solicitudes. A maior parte deles tutelados do Príncipe Felipe que cumpriran a maioría de idade. Agora son xa 13 os beneficiarios da mesma, segundo datos facilitados pola Concellería de Benestar Social.
A subvención do Concello ascende a 411,75 euros en familias dun só membro e a 494 euros se a unidade está formada por dúas persoas. A renda local ten unha duración de seis meses, prorrogables por outros seis máis.
O plan dispón aínda de 300.000 euros para atender posibles novas solicitudes de face ao ano que vén.
