A Sección Segunda da Audiencia de Pontevedra acolleu este martes a vista oral contra un individuo acusado dun presunto delito de estafa en relación coa venda de maquinaria industrial.
O xuízo resolveuse pola vía rápida, pois o procesado alcanzou un acordo co Ministerio Fiscal segundo o cal, previo recoñecemento dos feitos que se lle atribuían, obtivo unha importante rebaixa na pena que se solicitaba para el. Iso fixo que o plenario concluíse en cuestión de poucos minutos.