A Deputación de Pontevedra, a través da rede SmartPeme, oferta esta semana catro novas accións formativas impartidas de xeito online. As accións versan sobre debuxo con Onshape, TripAdvisor, plan de márketing dixital e email markéting.
En concreto, este martes o experto universario en robótica Manuel Freire será o encargado de impartir Debuxo con Onshape, Assembly II. Ao día seguinte, 11 de novembro, será a quenda de TripAdvisor. A plataforma perfecta para a túa empresa turística, a cargo de Sonia Torres, técnica de Empresas e Actividades Turísticas e posgraduada en Xestión e Dirección de Empresas Turísticas.
Por último, o xoves haberá dúas accións: o enxeñeiro informático José Luis Taboada impartirá Crea un plan de márketing dixital para a túa empresa, e Fátima Faílde, licenciada en Publicidade e Relacións Públicas e posgraduada en Comunicación e Industrias Creativas, falará sobre Ferramentas de email márketing: Sendinblue.
