A subdelegada do Goberno, Maica Larriba, presidiu este venres á xura de doce novos inspectores da Policía Nacional cuxo destino será reforzar a loita contra a violencia de xénero na provincia. "Estou segura de que sempre os moverá a misión de protexer o libre exercicio dos dereitos e liberdades da cidadanía do noso país", trasladoulles.
Durante o acto, Larriba destacou o labor deste Corpo, sobre todo no traballo realizado durante o ano pasado pola situación da pandemia, onde ela mesma recoñece o valor que supón estar nas rúas; informando, asesorando e tamén sancionando a aqueles que incumprían a normativa sanitaria, pondo en risco a saúde do resto dos cidadáns, mentres o resto da poboación atopábase confinada.
Ademais, expresou a súa preocupación cara aos violentos comportamentos por parte de determinados grupos sociais illados que utilizan a violencia como forma de reivindicación. "Os cidadáns deste país saben que a esta non é unha forma de defender as ideas e, desde logo, como subdelegada deste Goberno, pero sobre todo como cidadá, sempre a rexeitarei", garantiu.
Tamén fixo referencia ao recente escándalo protagonizado por dous policías en Linares, que agrediron brutalmente a un pai e á súa filla menor de idade, feitos polos que ambos están xa detidos. "Non vos representan nin representan o voso traballo", matizou.
Para rematar, expresa a necesidade dun plus de traballo sobre o principal problema que temos na nosa sociedade: a violencia machista. Un suceso que segue sendo moi común no noso día a día e do que aínda nos estrañamos cando sucede un asasinato a unha muller polo simple feito de ser muller.
Ela mesma fai partícipes aos propios inspectores de que deben realizar unha maior labor en contra da violencia machista, unha tarefa que espera que sexa mellorada grazas ás novas incorporacións no corpo da Policía Nacional de Vigo e Pontevedra.
