A Barca volve quedar ás escuras. O motivo é o roubo de case todas as luminarias que a empresa encargada da reforma da ponte instalou o sábado para dar servizo ás persoas que cruzan o viaduto que une os concellos de Poio e Pontevedra.
Os focos apenas duraron unhas horas. Durante a madrugada xa fora sustraidos, o que obrigou a moitos usuarios provenientes da zona de marcha de Pontevedra a usar os seus teléfonos móbiles como improvisadas lanternas.
A concesionaria das obras puxo o asunto en coñecemento da Xunta, que é a Administración que impulsa esta actuación de mellora da Barca. En paralelo, Civis Global presentará a correspondente denuncia ante a Policía, segundo confirmaron a diario de Pontevedra responsables da Consellería de Infraestruturas.