Durante este verán Turismo de Pontevedra decidiu ampliar as rutas fluviais do programa Paddle Surf Pontevedra. Os percorridos polo río Lérez levarán a cabo todos os sábados e domingos desde o 17 de xullo ao 29 de agosto. Esta decisión débese ao gran éxito que alcanzou a actividade en 2020.
A páxina web de Visit Pontevedra abriu este mércores pola mañá o prazo de inscrición para estas sendas nocturnas e diúrnas. A iniciativa é completamente gratuíta e está pensada para persoas de todas as idades. Desenvolverase por quendas e en grupos de ata 8 participantes. Ademais, o material necesario para estes percorridos será facilitado a todos os participantes.
A concelleira de Promoción Económica e Turismo, Yoya Branco, confía en que este proxecto volva potenciar o atractivo da cidade e consiga ter tanto éxito como o ano pasado.
