O consultorio de Pontesampaio seguirá funcionando con dous profesionais sanitarios (un médico/a e un enfermeiro/a), segundo trasladoulle o mércores o xerente do Área Sanitaria Pontevedra-O Salnés, José Ramón Gómez
Juan Loureiro, presidente da Federación de Vecinos Castelao, sinalou nun comunicado que o xerente da área sanitaria comprometeuse a que o consultorio siga prestando o servizo que viña realizando ata o pasado mes de marzo e farao con dous profesionais sanitarios.
O compromiso adquirido polo xerente da área sanitaria, sempre segundo Castelao, é que se en agosto dá tempo a implementar os requisitos recollidos nos protocolos anticovid volveríase a prestar o servizo médico e de enfermería no mesmo centro.
Por outra banda, os técnicos do Sergas seguirán examinando os edificios existentes en Pontesampaio por se non fose viable desenvolver na súa totalidade os servizos de medicamento e enfermería no consultorio.
