Un xulgado do contencioso de Santiago de Compostela condenou ao Sergas e á súa aseguradora a indemnizar á familia dunha paciente por danos e prexuízos polo falecemento do pai e esposo, veciño de Pontevedra e de 65 anos de idade no momento dos feitos -no ano 2014-.
Feneceu no CHOP de Pontevedra ao contraer intrahospitalariamente a bacteria pseudomona aeurginosa
A defensa da familia da victima foi exercida polo avogado Cipriano Castreje, que sinala que aínda que a sentenza "é exemplar" en canto a determinar que o Sergas non conseguiu demostrar ao longo do procedemento administrativo e xudicial que se cumprisen os protocolos de asepsia, mostra o seu desacordo en que o tratamento tras detectar que o paciente estaba infectado fose o adecuado.
O caso remóntase ao ano 2014 cando o paciente ingresa por unha enfermidade oncolóxica que estaba a ser tratada no CHOP.
Segundo indica o avogado, o Sergas non nega a existencia da infección pola pesudomona nin de que esta fose adquirida no hospital.
Sinala a sentenza que nalgún “momento concreto rompe a cadea de asepsia e se leváronse a cabo as medidas preventivas non se produciu a infección, polo que o contaxio era previsible e evitable”.
Termina o xulgado condenando ao Sergas e á aseguradora a pagar á familia a suma de 66.000€ máis os intereses por entender que ao existir comorbilidades e outras enfermidades concomitantes a pseudomona non foi a única causa illada do falecemento do paciente.
A sentencia non é firme e pode ser recorrida polo Sergas e pola familia.