O servizo de comida a domicilio é un sector que está á alza desde hai uns anos, sobre todo coa chegada de empresas como Glovo ou Uber Eats ás grandes cidades, non exentas de polémica polas condicións laborais dos seus traballadores.
Con todo, aínda hai oco para iniciativas locais: Caylu naceu no Grove e Sanxenxo hai pouco máis dun ano, con só un repartidor en cada concello. Agora, trece meses despois, xa son 58 riders repartindo en 10 concellos.
Co verán, polo momento contrataron a unha decena de repartidores máis, asegura Beatriz Castro, fundadora da empresa. Con respecto a isto, a fundadora sente realizada: "Xerar postos de emprego nestes momentos é difícil, pero é moi gratificante", conta.
Debido á gran demanda, Caylu tivo que contratar a 56 riders desde a apertura da empresa fai 13 meses
Casto asegura que a demanda deste servizo vai por picos: cando pechou a hostalería en outubro de 2020 e en febreiro deste ano, a demanda aumentou, polo que esperan que, coas novas restricións para a hostalería, "volva aumentar". De feito, di, "os restaurantes xa nos estiveron chamando para reforzar", pois esperan aumentar o número de pedidos a domicilio polas limitacións sanitarias.
Por suposto, "o incremento de pedidos nas zonas turísticas disparouse", conta Beatriz Castro. Segundo a fundadora, Caylu tivo que intensificar a súa presenza nos concellos de Sanxenxo, Marín ou O Grove coa chegada do verán. Ademais, o número de restaurantes que se uniron a esta iniciativa aproveitando a tempada estival tamén aumentou.
Por iso, en contexto de pandemia tamén foi moi favorable para o éxito de proxectos como este. Os aforamentos limitados, a intermitente prohibición de acudir a locais con non convivientes ou o simple feito de ser precavidos para evitar contagios propiciou que a xente decida comer comida de restaurante pero desde a seguridade do fogar.
Aínda que é certo que cando se volveu a abrir a hostalería con relativa normalidade hai uns meses notaron un descenso nos pedidos, "a xente non deixa de encargar comida", porque conta que, moitas veces, por comodidade prefírese non saír de casa. Ademais, no caso de Caylu, fan pedidos entre diferentes concellos, polo que "podes pedir a un restaurante do Grove sendo de, por exemplo, Meaño".
Defenden un modelo empresarial legal: foxen de falsos autónomos, contratando aos repartidores de comida
Grazas a todo isto afianzáronse unha clientela "moi fiel" que lle permitiu crecer tanto en apenas un ano. Ademais, a súa "formulación era ter á hostalería tradicional, á de toda a vida pero, por que non, tamén ter a Estrelas Michelin como Pepe Solla ou Pepe Vieira".
O segredo. En Caylu sempre foron fieis aos seus principios, explica Castro: así como o sistema de contratación doutras compañías deu lugar á Lei Rider para evitar os falsos autónomos, "nós sempre fuximos diso, queriamos facer unha empresa legal ao 100%".
Ademais, como tanto Beatriz Castro como o seu socio, Antonio Luaña, son de San Vicente do Grove e ata o pobo non chegaban outros servizos de repartición, a esencia de Caylu é "chegar a aqueles sitios nos que non houbese ese servizo e, sobre todo, facelo intermunicipios", prestado especial atención ao "arrabalde".
A diferenza de Caylu, o verán xoga en contra
De feito, ademais de Pontevedra, onde realmente son competitivos é fóra da comunidade: "En Galicia hai prazas de abastos con moi bos produtos en case calquera lugar", pero para Madrid ou Barcelona, por exemplo, os prezos son moi bos "e o produto é de moi boa calidade" en comparación co que pode haber alí.
Con todo, Eyo cre que, quizá, estas medidas sanitarias contribúan a un novo repunte: "Podemos recuperar certa clientela que, se cadra, adoitan irse de fin de semana e agora cociñarán en casa".
