Sevilla uniuse á lista de cidades con Metrominuto. O mapa para desprazarse a pé ideado por Pontevedra utilízase xa en polo menos 36 cidades de España e da Unión Europea.
A maior parte das urbes estranxeiras que adaptaron o Metrominuto ás súas realidades urbanas están en Italia, como Florencia, Ferrara, Módena e Cagliari. Pero cidades como Londres, Torres Vedras (Portugal), Toulouse (Francia), Poznan e Bydgoszcz (Polonia) tamén dispoñen da súa propia versión.
No resto de España, os municipios que apostaron polo metrominuto son Jerez de la Frontera (Cádiz), Mahón (Menorca), La Rinconada (Sevilla), Vitoria, Arahal (Sevilla), Torrelavega (Cantabria), Madrid, Pamplona, Ponferrada (León), Melilla, Xátiva (Valencia), Torrelodones (Madrid), Villanueva de la Serena (Badaxoz), Cidade Real, A Coruña, Carballo, Vilagarcía e Ferrol.