A Constitución propugna valores superiores como a liberdade, a xustiza, a igualdade e o pluralismo político, e permitiu o maior período de prosperidade da nosa historia. Con estas palabras expresaba Maica Larriba, subdelegada do Goberno, a súa idea da Carta Magna. Ao mesmo tempo, a representante estatal avanzou a idea que estará sobre o tapete nos próximos meses, recordando que países como Alemaña modificaron a súa Constitución 60 veces, ou outros como Portugal, Francia, Bélxica ou Irlanda tamén o fixeron, en aras de modernizar e adaptar ao século XXI os seus respectivos marcos legais. "Non deberiamos ter medo a retocar a nosa Carta Magna", espetou Larriba, que presidiu un evento no que, entre as autoridades, destacaron dúas caras novas: Simón Venzal, coronel da Comandancia, e Luís Cortés, xeneral da Brilat. Os rookies estiveron acompañados polos xa coñecidos Ángel
O momento máis emotivo do evento, que contou coa banda da Escola Naval para os himnos galego e nacional, foi a entrega de condecoracións. Policías, gardas civís, membros de Protección Civil e ata un percebeiro foron premiados polas súas actuacións destacadas en beneficio dos demais. "Sodes un espello do mellor da sociedade", dixo a subdelegada.
