A narcoletrada Tania Varela segue os pasos do seu paisano Sito Miñanco. Así o entende o Tribunal Supremo, que acaba de validar a condena por branqueo de capitais procedentes do narcotráfico que lle foi imposta na Audiencia de Pontevedra.
A famosa avogada, que no seu momento foi a muller máis buscada nas listas de Europol, suma un ano e oito meses de prisión á pena de cárcere que xa cumpría por formar parte da organización criminal de David Pérez Lago, fillastro de Laureano Oubiña.
O tribunal ve clara a relación da cambadesa con fluxos de diñeiro procedentes da introdución de droga polas Rías Baixas.
