jueves. 09.07.2020 |
El tiempo
jueves. 09.07.2020
El tiempo

O Supremo ordena que lle devolvan o vehículo a un socio do Mulo

Fachada do Tribunal Supremo. EP
Fachada do Tribunal Supremo. EP
Trátase dun narco da Illa que foi condenado a oito anos de prisión

O Tribunal Supremo acaba de facer pública, a través dun auto aclaratorio da anterior sentenza, que a Xustiza debe devolverlle un vehículo a un dos socios de Rafael Bugallo Piñeiro, O Mulo, que lle foi comisado no marco da última operación policial que acabou co capo de Cambados e os seus principais colaboradores entre reixas.

En concreto, o individuo que recuperará o seu Renault Traffic é un narco da Illa de Arousa que resultou condenado a oito anos de prisión, en primeira instancia, unha condena elevada a nove anos e tres meses tras o recurso interposto ante o mesmo Tribunal Supremo que agora o ampara no asunto do coche, naquel caso por parte do Ministerio Fiscal.

A Policía e a Fiscalía Antidroga consideran que o agora condenado tiña un papel crave en relación coa nave e a construción dunha embarcación para a recollida en altamar dos máis de 1.000 quilos de cocaína que a organización pretendía introducir en Galicia.

Con todo, e a pesar de que a Renault Traffic era o vehículo que adoitaba empregar o acusado naquel tempo (desprazábase con regularidade a Cabana de Bergantiños, onde se construía a lancha), o Alto Tribunal entende que non se dan os argumentos suficientes como para acreditar que era empregado como instrumento para cometer o delito.

O Supremo ordena que lle devolvan o vehículo a un socio do Mulo
comentarios