A ministra de Transición Ecolóxica, Teresa Ribeira, asegurou este martes que a saída de Ence da ría galega "está condicionada á resolución xudicial" da prórroga por 60 anos concedida en 2016 polo Goberno de Mariano Rajoy.
En resposta a unha pregunta de Unidos Podemos, Ribeira recoñeceu ser "consciente da relevancia" do asunto e da "tensión política" que provoca a presenza da empresa na ría. Iso si, sinalou que o actual Executivo xa se atopou coa concesión dada".
Con todo, a responsable de Transición Ecolóxica explicou que o seu Ministerio está "a traballar coa intención de objetivar ao máximo os criterios en que se han de basear as decisións sobre a prórroga das concesións", para evitar así futuros casos como o de Ence.
A prórroga á concesión de Ence na ría chegou en 2016, cando o Executivo en funcións de Mariano Rajoy aprobou a ampliación do prazo de caducidade amparándose nas modificacións lexislativas que o exministro de Agricultura, Alimentación e Medio Ambiente Miguel Arias Cañete realizou en 2013 á Lei de Costas.
