A Área Sanitaria de Pontevedra e O Salnés procederá a activar este mércores, no acceso exterior do Hospital Provincial pola rúa Joaquín Costa, o seu punto de extracción Covid Auto que ata o de agora prestaba actividade no Pazo da Cultura de Pontevedra, no marco do plan de continxencia do Covid-19 nesta área.
O novo emprazamento do Covid Auto da resposta á petición do Concello de Pontevedra de poder dispoñer da totalidade dos espazos do Pazo da Cultura para albergar as probas educativas de acceso á Universidade (Abau).
Este punto de extracción no Hospital Provincial terá os servizos e infraestrutura sanitaria máis preto, en caso de necesidade loxística ou asistencial.
O protocolo organizativo para esta activación por parte da Área Sanitaria de Pontevedra e O Salnés xa notificou aos usuarios citados para as vindeiras probas Covid Auto o novo emprazamento deste punto no exterior do Hospital Provincial, que disporá así mesmo durante cada xornada de actividade dun circuito de circulación dinámica de entrada e saída do mesmo.