jueves. 27.01.2022 |
El tiempo
jueves. 27.01.2022
El tiempo

"Todos os colectores de Loureiro Crespo están aquí"

Contenedores en Loureiro Crespo, delante de los negocios. RAFA FARIÑA
Contenedores en Loureiro Crespo, delante de los negocios. RAFA FARIÑA
Comerciantes da rúa denuncian a concentración do lixo ante as súas portas e o mal uso do colector marrón, que filtra líquidos á beirarrúa

Á altura do número 19 da rúa Loureiro Crespo concéntranse os colectores que antes se repartían en diferentes puntos da rúa. Malos cheiros, mala imaxe e ata líquidos que se filtran do colector orgánico á beirarrúa son algunhas das denuncias que lanzan os comerciantes da zona. Deste xeito, establecementos como a florería Tendencias Floristas lamentan que o Concello non aproveite as recentes obras na rúa para instalar colectores subterráneos.

Do mesmo xeito, Adriana Colombo, propietaria da florería, sinala a supermercados Froiz por lanzar ao colector de residuos orgánicos os desperdicios que se producen no establecemento, como carne ou peixe. "O sangue da carne e do peixe fíltrase do colector á beirarrúa e gotea desprendendo un cheiro a podremia insoportable", indica.

Segundo o Concello, aínda tiveron noticia disto este mércores e a empresa adxudicataria do contrato do lixo, Cespa, xa traballa para solucionar este problema. Aínda así, os comerciantes quéixanse da falta de atención por parte do concelleiro de Obras, Demetrio Gómez, responsable da intervención á que se someteu a rúa nos últimos meses. "No plano inicial das obras esta zona estaba reservada para unha parada de taxis, en ningures aparecía que se ían a colocar aquí todos estes colectores", conta Colombo.

Trátase de sete colectores de recollida selectiva de residuos que dan servizo á parte da rúa máis próxima á Praza do Hospital. Colombo indica que os colectores estarían mellor na beirarrúa de en fronte, onde non hai ningún negocio. Na actualidade están diante da súa florería, unha panadería, unha tenda de gominolas e unha farmacia.

Por outra banda, tamén critican a falta de espazo para que camións e furgonetas poidan facer paradas de carga e descarga. "Os comercios desta zona recibimos camións con mercancía todos os días e non teñen onde parar porque todas as prazas son para servizos", quéixase.

"Todos os colectores de Loureiro Crespo están aquí"
comentarios