A Deputación de Pontevedra activou este luns todos os protocolos correspondentes á normativa sanitaria tras o positivo por Covid-19 de tres dos seus traballadores.
O Goberno provincial foi informado o Servizo de Prevención de Riscos Laborais dos tres positivos.
Segundo sinalou a propia Deputación, o primeiro dos casos é un traballador que se atopaba de vacacións e que non tivo ningún contacto co resto do persoal.
Os outros dous casos confirmados son traballadores que realizan as súas funcións en servizos externos.
O Servizo de Prevención informou do seguimento dun posible cuarto caso, por contaxio na contorna familiar, cuxa situación está en fase de estudo á espera das probas preceptivas.
