O Supremo non foi, nesta ocasión, a táboa de salvación dun gran narcotraficante galego. Ao contrario. O Alto Tribunal estimou o recurso presentado polo fiscal Antidroga de Pontevedra, Pablo Varela, que solicitaba unha condena por tráfico de drogas cometido no seo dun grupo criminal para Rafael Bugallo Piñeiro, O Mulo. Así o entendeu o TS, que, sumando a condena dun ano e medio por tenencia ilícita de armas, fixa a pena do capo cambadés en 14 anos de prisión, unha das máis importantes impostas no mundo do narcotráfico galego nos últimos anos.
A esencia do recurso presentado polo Ministerio Público ten que ver con que os investigados Rafael Bugallo, O Mulo, Jaime Iván Bolados (o seu brazo dereito en España), José Benito Vieites, Pedro Miguel Brea Gago e Juan Carlos Nogueira conformaban un grupo criminal no momento de ser detidos, co obxectivo de introducir en Europa o citado alixo que foi comisado en altamar cando aínda estaba a bordo da embarcación Coral I. O Supremo, que coincidiu plenamente cos argumentos da acusación, impón unha segunda pena dun ano e tres meses para cada un deles, que se engade ás xa fixadas inicialmente pola Audiencia Provincial de Pontevedra.
En canto ao recurso presentado polo Mulo, ao que se adheriron moitos dos seus socios, pretendía conectar as probas obtidas a través da sonorización dun dos seus vehículos co resto de indicios que levaron a determinar a súa participación no delito. O Supremo, con todo, mantén que a unidade Greco Galicia, responsable da investigación, obtivo datos máis que suficientes para incriminarlles sen ter que botar man do micrófono instalado no automóbil. Hai que recordar que o Tribunal Constitucional puxo en cuestión a legalidade dunha sonorización como a que se practicou neste caso.
Bugallo tamén insistiu en que a lancha que se incautou a Policía nunha nave de A Costa da Morte non estaba preparada para saír a navegar, algo que, segundo concretaron os peritos, non era así, senón que, ademais de estar disfrazada de barco pesqueiro, con aparellos ficticios fabricados en cartón pedra, tiña os depósitos cheos e estaba presta para saír en busca da cocaína.
Si admitiu o Alto Tribunal o recurso de Juan R. A., de quen se di que só fixo de chofer de Over Alberto Vence e que podería non saber nada acerca das súas intencións, polo que quedou absolto.
Tamén atendeu o Supremo o recurso de José Benito
Para rematar, o TS atendeu a petición de Juan Carlos Nogueira en relación ao comiso do seu vehículo, que queda anulado tras o novo ditame.
O Mulo pechara un pacto cos seus socios colombianos, membros do clan de Os Urabeños (agora coñecidos como clan do Golfo, o máis poderoso que opera en Bogotá na actualidade) para efectuar o último tramo da viaxe da droga ata a súa entrada en Europa.
Para iso, os colombianos instalaran unha oficina permanente no municipio deVilagarcía de Arousa, mentres que O Mulo, co apoio de varios homes de confianza, construíra unha embarcación rápida de gran potencia e pertercháraa con todo o necesario para saír a altamar en busca da droga. Esta lancha, co seu combustible xa preparado, foi vixiada en todo momento polos axentes do Greco Galicia, pois coñecían o lugar exacto no que se estaba construíndo, nunha nave situada na Costa da Morte e que dispuña dunha saída directa ao mar.
Naquel momento, O Mulo ocultouse nun zulo habilitado na súa propia vivenda de Cambados cando foi detido polas forzas de seguridade e posteriormente posto a disposición xudicial.
