Unha muller resultou ferida na tarde deste venres ao ser atropelada por un autobús na Praza de Galicia de Pontevedra. Ademais, unha pasaxeira do coche de liña tamén sufriu lesións ao caer no interior do vehículo no momento do accidente.
Segundo os datos facilitados ao 112 Galicia, no autobús, que cubría o traxecto entre Marín e Pontevedra, viaxaban 60 persoas.
O 112 Galicia tivo constancia do ocorrido a través do condutor do autobús, que contactaba co Centro Integrado de Atención ás Urxencias 112 Galicia ás 18.15 horas para informar do sucedido.
Foron avisados afectivos do 061-Urxencias Sanitarias, a Policía Local, os Bombeiros de Pontevedra e Protección Civil.
