Os Bombeiros de Pontevedra foron mobilizados no mediodía deste mércores ante unha alerta na rúa Benito Corbal, onde se viron saír faíscas, fume e algo de lume dunha arqueta situada ante unha tenda.
A orixe do suceso está nunha obstrución nunha tubaxe de fecais, que provocou unha filtración no tubo do cableado eléctrico. Iso obrigou a cortar a luz nun edificio, que recuperou a subministración ás 16.30 horas despois de que se repuxese un cable provisionalmente.
Ademais do persoal de urxencias, desprazáronse ao lugar operarios da compañía eléctrica.
