A unidade de psoriasis do servizo de Dermatoloxía do CHUP foi recoñecida como a mellor de España nos premios Best in Class 2019, uns galardóns que convoca anualmente a publicación especializada Gaceta Médica, xunto á Cátedra de Innovación e Xestión Sanitaria da Universidade Rei Juan Carlos e que son especialmente recoñecidos dentro do gremio sanitario.
A final, celebrada o martes, contou con outras 13 candidaturas do CHUP, correspondentes a Farmacia Hospitalaria (polo seu sistema de preparación de medicamentos) Medicina Interna (pola sección de procesos infecciosos, a atención ao VIH-Sida e o programa de formación de residentes), Psiquiatría (polo tratamento da esquizofrenia) e Dixestivo (pola atención á Hepatite C e á patoloxía dixestiva).
Ademais, accederon á final de Hematoloxía e Microbioloxía, así coma Atención Primaria e o propio complexo hospitalario "por ser un dous mellores centros sanitarios en xestionar as demoras asistenciais, a seguridade clínica e as relacións con asociacións de pacientes".
