jueves. 29.10.2020 |
El tiempo
jueves. 29.10.2020
El tiempo

Vaipolorío e Xoán XXIII retiran 270 quilos de lixo da canle do Gafos

Os participantes na xornada simultánea de limpeza de Gafos. VAIPOLORÍO
Os participantes na xornada simultánea de limpeza de Gafos. VAIPOLORÍO
Houbo un bo número de voluntarios

A asociación ecoloxista Vaipolorío promoveu este domingo unha nova xornada de limpeza da canle do río Gafos e das súas inmediacións, como vén sendo habitual, máis especialmente nos meses de verán. O colectivo contou cun bo número de voluntarios e estivo acompañado, unha vez máis, por membros da Fundación Xoán XXIII, que colaboran de forma cotiá cos ecoloxistas para manter libre de desperdicios o río que, procedente do sur do municipio, atravesa todo o centro urbano ata desembocar na mesma ría de Pontevedra.

Na xornada do domingo, que se caracterizou polo bo tempo (non choveu, aínda que si fixo frío a primeiras horas do día), os participantes nas tarefas de limpeza lograron extraer a nada desdeñable cifra de 270 quilos de desperdicios, moitos deles que chegaron á canle este mesmo verán, pero outros que levan anos nas inmediacións e que van aflorando co tempo. Vaipolorío seguirá traballando a fondo para preservar a contorna natural do Gafos.

Vaipolorío e Xoán XXIII retiran 270 quilos de lixo da canle do Gafos
comentarios