viernes. 28.02.2020 |
El tiempo
viernes. 28.02.2020
El tiempo

Varias empresas mostran o seu apoio a Ence lucindo o 'lazo solidario' nas súas fachadas

Unha nave de Lugo co lazo de apoio a Ence. VITORIA RODRÍGUEZ
Unha nave de Lugo co lazo de apoio a Ence. VITORIA RODRÍGUEZ
Grupo Nogar é unha das últimas firmas en sumarse á iniciativa

Diversas empresas mostraron o seu apoio á continuidade da fábrica de Ence en Pontevedra no seu actual emprazamento lucindo o lazo solidario nas fachadas das súas sedes. 

Diso informa a compañía nun comunicado, no que resaltou que "o apoio á continuidade" da fábrica na súa localización "non parou de crecer nos últimos meses". 

A modo de exemplo, sinala que Grupo Nogar colocou "o lazo solidario" en todas as súas fachadas e instalacións, posto que a vinculación que ten con Ence é "de especial relevancia", xa que a pasteira exporta a práctica totalidade da súa produción anual a través do porto de Marín. 

Así mesmo, apunta que diariamente entran nas instalacións de Lourizán 300 camións cargados de madeira, motivo polo que moitos dos condutores decidiron colocar o lazo solidario nos seus vehículos "para que a defensa da permanencia sexa visible nos seus percorridos por toda España". 

Tamén sinala que se sumaron a estas medida empresas como Papeleira de Brandía, en Santiago; e outras como Metalúrxica Covas, en Vilagarcía, ou Vrio Pack, en Lugo. 

Varias empresas mostran o seu apoio a Ence lucindo o 'lazo...
Comentarios