Verducido manifestarase o venres polo peche de Primaria

Continúan as protestas polo peche de Primaria na EEI de Verducido. Os afectados, en colaboración con varias asociacións veciñais da zona, convocaron para o vindeiro venres ás 20.30 horas unha manifestación na escola, coa intención de seguir mostrando a súa desconformidade pola decisión tomada a posteriori de asegurar que a matriculación se realizaría con normalidade.

Ademais, unha vez máis en conxunción coas asociacións veciñais, tamén levarán a cabo outras medidas como campaña de información masiva na comarca, incluíndo Xeve —zona en cuxo colexio foron recolocados os nenos do EEI de Verducido tras o peche da Primaria— e tamén a cidade de Pontevedra en xeral. Doutra banda, as persoas prexudicadas, asociacións veciñais, a Asociación de Nais e Pais de Alumnos (Ampa) e o consello parroquial de Verducido exponse recorrer a resolución da Xefatura Territorial.

Luís Rei, un dos pais damnificados por esta medida, resaltou a participación e o exemplo de civismo que estaban a mostrar gran parte dos veciños da zona.