Os viños da Denominación de Orixe Rías Baixas sumaron 221 galardóns na súa participación en concursos enológicos nacionais e internacionais durante 2022. Os premios obtivéronse en 11 citas establecidas no calendario oficial da Organización Internacional da Viña e o Viño (OIV) ás que concorreron as distintas adegas adscritas á denominación desde xaneiro ata decembro de 2022.
Do conxunto de galardóns, 8 son da categoría Gran Ouro ou Platino, 69 da de Ouro, 72 de Prata, 71 de Bronce e un trofeo. Os viños de Rías Baixas destacados corresponden na súa maioría á anada 2021, aínda que nos últimos anos aumentaron as distincións ás máis antigas.
Estes premios nos máis prestixiosos concursos corroboran o posicionamento dos viños de strong<> Rías Baixas como uns dos mellores brancos do mundo. Así, en España obtiveron moi bos resultados en concursos consolidados como os organizados pola Unión Española de Catadores (UEC): os Bacchus 2022, que premiaron a 24 Rías Baixas (1 Gran Bacchus de Ouro, 16 Bacchus de Ouro e 7 de Prata) e os Baco, onde conseguiron 22 galardóns (2 Gran Baco de Ouro, 16 Bacos de Ouro e 4 de Prata). Por outra banda, os Vin España, concurso nacional de viños organizado pola Federación Española de Enoloxía, outorgaron ás marcas do D.O. Rías Baixas un total de 14 premios: 4 gran ouros, 5 ouros e 5 pratas.
A nivel internacional, os viños Rías Baixas conseguiron 73 galardóns nos Decanter World Wine Awards (5 ouros, 27 pratas, 40 bronces e 1 platino), aos que se suman tamén as 35 medallas e 1 trofeo do International Wine Challenge.
Outros concursos internacionais que premiaron aos viños de Rías Baixas son: o Challenge International du Vin, con 2 ouros; o Concurso Mundial de Bruxelas, con 12 galardóns; o Asia Wine Trophy, con 2 ouros; o Mundus Vini, con 14 premiados; o IWSC International Wine & Spirit Competition, con 19; e o Citadelles du Vin, con 4.
