"Solía pensar/ en mí y en nadie más,/ pero ahora quizá/ nunca jamás olvide a los demás", canta Xacobe Xaco Medina (Pontevedra, 2000) en el tema Cuento acabado. "Cuento acabado,/ que termina en un final feliz./ Y, sin embargo,/ no veo un final sin ti".
Cuento acabado é o single co que Xacobe Medina, estudante Filosofía na Universidade de Santiago de Compostela (USC) e membro da Orquestra da USC, "tocando o violín e viólaa", presenta o seu primeiro proxecto musical. A canción ten ademais un videoclip que se pode ver na canle de Youtube do mozo pontevedrés. "A verdade é que chega un momento en que, case sen querer, distancieime un pouco da disciplina de orquestra. ás veces resúltame un tanto soviética, case militar. Ti tes que seguir sempre ao que está por diante de ti. Se o concertino fai algo mal, ti tes que seguirlle, aínda sabendo que fixo algo mal. Necesitaba saír desa disciplina orquestral. Así xurdiu este proxecto, polo simple pracer de facer o que che dá a gana".
Di que empezou a restarlle tempo ao violín e a viólaa e a sumarllo á guitarra. "Achegueime ao pop, ao rock, ao country... Aquí aparezo en modo compositor-cantautor expresándome fundamentalmente a través de guitarra e voz".
PANXOLIñA. Xacobe Medina xa compuxera temas musicais con anterioridade. Con 16 anos escribiu unha panxoliña que estreou o Coro Luís García Limeses. Agora, con 20, lanza unha colección de cancións en dous partes. O domingo 5 de xullo, en Youtube, sairá a primeira: seis cancións que, desde o 9 de xullo, tamén se poderán escoitar en Spotify e o resto de plataformas musicais. En agosto ten previsto lanzar a sergunda parte, composta por outros seis temas.
O título do álbum é Inverno do amor. "é unha chiscadela ao verán do amor de 1967 e a todo o movemento hippy, que a min me atrae especialmente porque son moi beatlemaníaco", explica. "O inverno remíteche a un sentimento máis introspectivo. Está claro que eu non vou facer reggaetón". "Por agora!", chancea Adrián Lado, que exerceu como produtor do traballo e encargouse do primeiro videoclip. Él mesmo tamén explica por que o disco non terá formato físico nin se porá á venda. "Porque hoxe en día ninguén compra discos. Non tería moito sentido sacalo. Preferimos centrarnos na difusión do traballo a través de plataformas e que chegue ao máximo número posible de xente".
O obxectivo final é poder presentar as cancións en directo. "Encantaríame que me permitisen facelo nun destes espazos que se van a habilitar na cidade para tocar durante as festas da Peregrina. Sería algo incrible", recoñece. "Para min, unha canción aféctache dunha forma directa. Sempre vaiche a chegar máis que calquera poema ou novela. Esa combinación entre música e letra ten unha forza incrible".
