O Xulgado do Contencioso-Administrativo número tres de Pontevedra acaba de ordenar a unha comunidade de propietarios a retirar un depósito de Repsol dunha zona verde da Rúa da Tablada. O tribunal dá así a razón ao Concello, que solicitara o traslado desta instalación.
A portavoz municipal, Anabel Gulías, asegurou este luns que o auto considera que o lugar no que se atopa este tanque "é un lugar público e accesible" e dá seis meses de prazo para a súa retirada.
