Se a partir deste luns recibe un SMS da Tesourería Xeral da Seguridade Social (TGSS) solicitando os seus datos de correo electrónico a través do novo portal electrónico Import@ss, tranquilidade. Ante todo, moita calma, pois non se trata dunha estafa nin dun fraude, senón dunha campaña oficial, explicou este sábado a Subdelegación do Goberno co obxectivo de tranquilizar "á poboación".
O obxectivo da TGSS é habilitar unha ferramenta para consultar información e realizar ata 40 trámites a través dun computador ou dun dispositivo móbil, "deixando progresivamente ao carón a atención presencial", sinala no comunicado. Esta campaña durará ata finais de decembro.
O novo portal organízase en dous partes: unha páxina principal ou área de acceso público, e un área persoal. Na primeira agrúpase toda a información necesaria para realizar calquera trámite ou xestión, organizada en catro grandes categorías: vida laboral e informes; altas, baixas e modificacións; consulta de pagos e débedas, e datos persoais.
Pola súa banda, a área persoal é un espazo único para cada usuario, no que o cidadán pode visualizar todos os seus datos persoais e de contacto, situacións laborais actuais, vida laboral na Seguridade Social e outras situacións específicas.
A TGSS informa de que a partir deste luns enviará 250 SMS diarios ás persoas da provincia das que aínda non lle conste información, polo que "coñecedores de que ou envío masivo de SMS pode levar á idea de que se trate dun presunto fraude", quere tranquilizar á poboación e aclarar que non é un engano.
