Un cardiólogo do Hospital Clínico de Madrid fíxose en viral nas redes sociais. O motivo non foi outro que o orixinal agasallo que lle fixo a súa filla.
Así, Javier Higueras compartiu a imaxe na súa conta de Twitter, mostrando publicamente a súa felicidade ao recibir un debuxo dun corazón, con dúas metades: unha puramente fisiolóxica e outra enchida con rosas en distintas cores. A maiores, por detrás podía lerse a inscrición: "Nada é tan difícil de entender como o corazón. Sábeno os poetas, sábeno os cardiólogos".
A publicación, que supera xa os 2.000 gústame, suscitou comentarios como “que marabilla, é un gran agasallo, unha filla cun gran corazón” ou “que beleza, orgulloso debes estar”.