A Policía detivo a un home que se coou durante unha semana na mansión de Jennifer López na exclusiva zona dos Hamptons en Long Island, Nova York, informan hoxe medios locais.
O intruso, identificado como John Dubois, foi detido o 8 de agosto despois de que os empregados da leira, na localidade de Water Mill, descubrisen que se instalou na casa da piscina, segundo o xornal New York Post.
O detido, de 49 anos, permanece no cárcere do condado de Suffolk á espera de comparecer nun xulgado de Southhampton, segundo detalla o diario local Newsday.
O coche de Dubois, un bombeiro de Rhode Island que se xubilou o ano pasado por incapacidade, estivo aparcado na entrada da mansión durante seis días, nos que durmiu nun colchón da casa da piscina e incluso colgou algunhas fotos en internet.
Fontes da investigación citadas polo Post aseguran que no momento da súa detención o home asegurou á Policía que era o pai dos fillos de Jennifer López e que ela lle deixou aberta a casa para que vivise alí.
A artista de orixe portorriqueña comprou a exclusiva mansión en maio pasado situada nun terreo de 12.000 metros cadrados e con oito dormitorios e sete cuartos de baño, pola que pagou uns 10 millóns de dólares (7,4 millóns de euros).
Farmacéutica reconvertida en chef
Victoria Maseda: "Quise hacer feliz a los demás a través de la cocina y las recetas de mi abuela"
15/abr./24
