O xornalista lucense Jenaro Castro, colaborador de El Progreso e director de Informe Semanal, charlará o luns pola tarde cos lectores co gallo do 40 aniversario do espazo.
¡Participa enviando as túas preguntas a través do formulario de abaixo ou mandándoas ao mail [email protected]!
Sobre Jenaro Castro
É Licenciado en Ciencias da Información pola Universidade Complutense de Madrid. Iniciou a súa carreira profesional na Cadena SER onde formou parte do equipo de programas como Hora 25 e Hoy por hoy. Tamén foi director adxunto do Informativo 22 Horas e do programa Así es la vida. Posteriormente, recalou na Cadena Cope, onde foi director dos Informativos de Fin de Semana e redactor do programa Protagonistas. Desde 1990 está en Televisión Española, onde desenvolveu unha dilatada carreira en todo tipo de formatos. Pertenceu ao equipo do programa Por la mañana, pioneiro dos espazos matinais televisivos, dirixido e presentado por Jesús Hermida. Foi editor e presentador de Diario de Noche, do Telediario matinal e do resto de telediarios, incluídos os da fin de semana. Dirixiu e conduciu especiais informativos editados con motivo do asasinato de Miguel Ángel Blanco, a liberación de Ortega Lara, o 11-S ou o 11-M. Tras presentar Semanal 24 Horas, actualmente dirixe os informativos non diarios de TVE e Informe Semanal.
