O presidente do Goberno, Pedro Sánchez, anunciou este sábado que o Executivo destinará 100 millóns de euros a un Plan de Acción de Saúde Mental para o período 2021-2024, así como a posta en marcha dun teléfono operativo 24 horas —gratuíto e confidencial— para ofrecer atención profesional e apoio ante condutas suicidas.
Así o asegurou durante a súa intervención no acto Saúde mental e covid-19. Plan de acción, organizado con motivo do Día Mundial da Saúde Mental, ao que tamén asistiu a ministra de Sanidade, Carolina Darias. Xunto a eles, algunhas persoas relataron a súa experiencia con este tipo de enfermidades: o xornalista lucense Anxo Lugilde
🔴EN DIRECTO
— La Moncloa (@desdelamoncloa) October 9, 2021
El presidente del Gobierno, @sanchezcastejon, participa, junto a la ministra de @sanidadgob, en el acto “#SaludMental y COVID 19. Plan de acción" https://t.co/OCsWdTs8F4
Tras escoitar os relatos, algúns deles desgarradores, Sánchez explicou que este teléfono de atención, que se porá en marcha nas próximas semanas, terá capacidade de derivación rápida aos servizos de urxencia correspondentes para atender unha situación de crise.
Entre outras medidas que forman parte do plan de acción do Goberno para previr os problemas de saúde mental, anunciou unha "importante campaña" para visibilizar este tipo de problemas e intentar reducir o "estigma" social que sofren as persoas que padecen estas enfermidades.
O obxectivo desta campaña é "sensibilizar" á sociedade dun problema que afecta a máis de 300 millóns de persoas no mundo, dixo Sánchez, antes de insistir en que é necesario visibilizar esta realidade e pasar "do silencio ao debate" e do "debate á acción".
Unha de cada catro persoas sofre ou sufrirá un trastorno mental ao longo da súa vida
Para avalar esta afirmación, referiuse a un informe da Organización Mundial da Saúde (OMS), segundo o cal en 2030 os problemas de saúde mental serán a principal causa de discapacidade no mundo e unha de cada catro persoas no mundo sofre ou sufrirá un trastorno mental ao longo da súa vida.
Sánchez mostrou o seu compromiso coa saúde mental antes de recordar que están a actualizar a estratexia nacional sobre esta enfermidade para adaptala ás necesidades da sociedade e citou a incorporación da especialidade de psiquiatría infantil á formación sanitaria especializada ou a promoción do benestar emocional.
Así recalcou que o Executivo quere poñer o foco na infancia, na adolescencia e naqueles colectivos ou grupos sociais máis vulnerables, como os maiores, as persoas con algún tipo de discapacidade e tamén nas mulleres.
"A saúde mental é unha prioridade para este Goberno. Desde o ano 2009 non se renova a estratexia de saúde mental. É unha folla de ruta que pretenden avanzar con pasos afianzados cara á súa mellora", sinalou Sánchez.
Un 10,8% dos españois consumiron tranquilizantes, relaxantes ou pastillas para durmir. "Isto di moito do problema que temos na nosa sociedade coa saúde mental, non podemos normalizalo. Debemos dar resposta a este asunto e analizar as causas e a orixe", dixo.
Suicidio
Tamén destacou que preto de 800.000 persoas suicídanse cada ano no mundo, das que 45.800 son adolescentes, o que converte o suicidio na principal causa de morte nestas idades logo das lesións por accidentes de tráfico. En España, en 2019 foron 3.671 as persoas que faleceron por este motivo.
Errejón critica que só se invista medio euro por persoa ao ano
O líder de Más País no Congreso, Íñigo Errejón, lamentou este sábado que o Goberno vaia destinar só "medio euro por persoa ao ano", un 0,12% do gasto sanitario, a combater os problemas de saúde mental. "Oito meses esperándoo e chega isto. é para preocuparse", dixo
O portavoz de máis País foi, precisamente, un dos primeiros en pedir ao Executivo de coalición un plan de acción para a saúde mental na Cámara baixa, cunha dotación orzamentaria que permitise que este tipo de enfermidades queden cubertas pola sanidade pública.
