Investigadores de Pontevedra lograron identificar un xene na xudía común que, segundo os seus estudos, ten unha "gran influencia" para determinar onde cultivala e cando é a mellor época para facelo.
Este achado, que foi publicado este venres pola revista Current Biology, produciuse no marco dun programa de investigación liderado polo grupo de xenética do desenvolvemento de plantas da Misión Biolóxica de Galicia.
O Consello Superior de Investigacións Científicas (CSIC), a través deste centro, está a analizar en Galicia os factores que controlan o tempo que tarda unha planta en florecer.
Nun destes estudos, aseguran desde o CSIC, os investigadores descubriron "cambios xenéticos ancestrales" que resultan "esenciais" para a produción mundial da xudía.
@CSICGalicia a través de @mbg_csic identifica en la judía común un gen con gran influencia para determinar dónde y cuándo cultivarla. Los detalles, en un artículo en Current Biology. pic.twitter.com/bFo1VWuqsX
— CSIC Galicia (@CSICGalicia) February 19, 2021
Marta Santalla, coordinadora desta investigación, asegura que o tempo de floración é un "aspecto importante" na adaptación das plantas á súa contorna e, na antigüidade, estes cultivos tiñan distribucións "bastante restrinxidas".
Foron os cambios xenéticos que experimentaron estas plantas os que permitiron que "puidesen expandirse e crecer con éxito en diferentes latitudes e zonas climáticas", engade.
Con este punto de partida, o grupo de investigadores de Pontevedra deseñou un estudo a partir da xudía común, orixinaria das rexións subtropicales de Sudamérica e Centroamérica e que na actualidade cultívase en todo o mundo.
O principal resultado desta investigación, na que colaborou a Universidade de Tasmania (Australia) e un centro de xenética molecular de China, foi identificar as variantes xenéticas que permiten á xudía completar no verán o seu ciclo de crecemento nas latitudes altas.
Santalla detalla que as variedades de xudía que teñen este xene "inactivo" presentan dificultades para detectar os días longos "polo que florecen e maduran antes".
Esta cuestión permitirá poder desenvolver variedades adaptadas ás diferentes contornas, "o que é imperativo para predicir e prepararse para o cambio climático futuro", destaca a responsable do grupo de xenética do desenvolvemento de plantas da Misión Biolóxica.
Ademais, o estudo explicou a evolución antiga do cultivo da xudía común, ao suxerir que a floración precoz "pode ser unha característica importante seleccionada durante a súa domesticación inicial nas montañas dos Andes centrais de América do Sur".
Esta investigación forma parte do programa que a Misión Biolóxica de Galicia puxo en marcha para definir a arquitectura das plantas, estudar o desenvolvemento do froito e a súa transición floral para lograr que sexan organismos "ben adaptados" ás novas condicións ambientais e prácticas agrícolas.
