Julia Otero tivo a oportunidade de ser a primeira presentadora de Gran Hermano. Segundo revelou a xornalista monfortina á revista Lecturas, rexeitou a oferta dos creadores do programa para conducir o espazo, que leva xa 18 anos en antena.
"Tivéronme toda a tarde ensinándome vídeos de Gran Hermano de Holanda. Non podía crer o que estaba a ver. E dixen: 'Non, non o farei'. Morrería de vergoña", contou a presentadora de Julia en la Onda.
Tras a negativa do Otero, a produtora optou por Mercedes Milá —que presentou o reality na súa primeira edición e desde 2002 ata 2015—, Pepe Navarro —condutor da segunda entrega— e Jorge Javier Vázquez —de 2016 en diante—.
