Metallica anuncia que actuará en Madrid e Barcelona en 2018

Metallica anunciou este xoves que incluirá a España na súa xira Metallica: Wordwired Tour, na que presentarán en directo as cancións de Hardwired... To Self-Destruct, e que actuará no WiZink de Madrid o 3 e o 5 de febreiro de 2018 e no Palau Sant Jordi de Barcelona o 7 dese mes.

O tour comezará con dous concertos en Amsterdam, no Ziggo Dome, os días 4 e 6 de setembro deste ano co grupo noruegués Kvelertak como teloneiros, informou este xoves Live Nation nunha nota.

A preventa de entradas comezará o vindeiro martes para membros do seu club, e o día 22 para usuarios rexistrados ou que se rexistren en www.livenation.es. O 24 de marzo terá lugar a venda xeral.

En ambas as preventas (Membros Legacy Met Club, Fifth Members e preventa de Live Nation), os usuarios accederán á web de Ticketmaster ou LiveNation, onde deberán iniciar sesión coa súa conta persoal.

As entradas para esas preventas serán nominativas e os datos do comprador asociaranse a ela, polo que terá que ser obrigatoriamente un dos asistentes ao concerto, cun máximo de dúas entradas por transacción.

Na venda xeral, as entradas tamén serán nominativas e poderanse adquirir catro entradas por transacción.

Hardwired... to self-destruct publicouse o pasado 18 de novembro pola propia discográfica de Metallica, Blackened Recordings, e debutou no número 1 en todo o mundo, vendendo máis de 800.000 copias na súa primeira semana.