A modelo Annabelle Neilson, musa do falecido deseñador Alexander McQueen e amiga da supermodelo Kate Moss, foi achada morta en Londres aos 49 anos, informou este martes Scotland Yard.
Neilson, pertencente a unha aristocrática familia británica, foi atopada sen vida na súa casa do barrio londiniense de Chelsea o pasado xoves, 13 de xullo, e, aínda que as forzas da orde están a realizar indagacións, a morte non se considera sospeitosa.
Soado por un reality show na televisión británica que se emitiu hai catro anos, Neilson converteuse na musa do deseñador de moda nos anos 90, cando tiña 22 anos, tras ser presentados pola estilista Isabella Blow.
Ambos mantiveron unha estreita relación de amizade e, de feito, crese que ela foi a última en ver con vida ao recoñecido modisto antes de que se suicidase en 2010.
A través da súa relación con el, entrou en contacto con moitas profesionais do mundo da moda, como as supermodelos Kate Moss, a quen consideraba a súa mellor amiga, e Naomi Campbell.
Neilson estivo casada co banqueiro multimillonario Nat Rothschild entre 1994 e 1997 e, nos últimos anos tamén publicara unha serie de libros enfocados ao público infantil.
