O outono comeza este mércores ás 21.21 horas no hemisferio boreal. A nova estación vaise prolongar ata as 16.59 horas de 21 de decembro. "De forma semellante ao que acontece cando se inicia a primavera, estamos en datas nas que teoricamente a noite e o día teñen a mesma duración, de aí a orixe da palabra equinoccio coa que se coñecen estas dúas épocas do ano”, explica o responsable do Observatorio Astronómico Ramón María Aller da USC, José Ángel Docobo.
Entre os fenómenos astronómicos máis destacable deste outono destaca a choiva de estrelas Xemínidas, unha das máis importantes do ano e que terá o seu máximo o 14 de decembro. "Nesta ocasión, coa Lúa pasada a fase crecente, vai ser máis complicado poder observar os máis de cen meteoros/hora previstos para os intervalos de máxima actividade", sinala o profesor. Outras choivas de estrelas, como as Oriónidas de outubro ou as Leónidas de novembro presentarán menor intensidade.
Ademais, haberá unha eclipse total de sol o 4 de decembro só poderá verse en Sudáfrica, na Antártida e no Atlántico sur. Con todo, desde Galicia será posible observar os primeiros momentos do eclipse parcial de lúa de 19 de novembro.
UN OUTONO CÁLIDO. "Pódese dicir que o outono se presenta máis cálido do normal e con poucas precipitacións", asegurou o director de meteoroloxía de Meteored, José Antonio Maldonado. O meteorólogo indicouno durante un encontro virtual celebrado por Meteored para analizar o final do verán e o arranque da nova estación, no que asegurou que, "en contra do que poida parecer, non foi un verán especialmente caloroso".
Maldonado recordou, con todo, a "rechamante" vaga de calor que se produciu entre o 11 e o 16 de agosto, cando se bateron "19 marcas absolutas" de temperatura, algo que "non tiña precedentes" nun único mes, aínda que, con todo, non foi o agosto máis caloroso desde que comezou o século xa que houbo cinco máis cálidos.
Este experto repasou algúns fitos meterorolóxicos da estación que finaliza; xuño foi "llamativamente húmido" e con temperaturas medias normais, xullo foi moi seco –"o terceiro do século"– e "relativamente fresco", e o que levamos de setembro viuse caracterizado pola borrasca do 13 ao 16 de setembro que "chegou a producir precipitacións torrenciais nalgúns puntos".
Respecto da previsión de que tempo traerá a estación otoñal que arrinca este mércores sinalou que para finalizar setembro espérase estabilidade atmosférica, en outubro as temperaturas estarán "por encima do normal" mentres que as precipitacións estarán por baixo, e en novembro haberá "escaseza de choivas".
No encontro participaron, ademais, o meteorólogo Francisco Martín e o consultor da Organización Meteorolóxica Mundial (OMM) José Miguel Viñas, quen explicaron o fenómeno meteorolóxico da Dana –acrónimo de depresión illada de niveis altos– e o seu impacto no contexto climático actual.
Viñas utilizou a publicación do último informe do IPCC para explicar se está a aumentar o número de Dana que nos afectan e sinalou factores como a perda acelerada do xeo ártico e o consecuente enfraquecemento do vórtice polar para explicar as grandes vaguadas que presenta o chorro polar na nosa contorna.
O consultor da OMM indicou que esas vaguadas sumadas á tendencia a ascender do chorro subtropical, son as que xeran "episodios hidrometeorológicos extremos de alto impacto" como Filomena.
