O xogador do FC Barcelona, Gerard Piqué, facilitou "contactos persoais e profesionais, sen ningunha compensación económica" á presidenta da Comunidade de Madrid Isabel Díaz Ayuso para que conseguise material sanitario nas semanas máis complicadas da pandemia do coronavirus.
Así o confirmaron a EFE fontes próximas ao exinternacional barcelonista, nunha información que foi adiantada pola Cadea Ser.
A relación entre Piqué e Ayuso naceu en novembro por mor da organización por parte da empresa do xogador, Kosmos Tennis, da Copa Davis en Madrid, grazas a un acordo asinado co goberno autónomo e o concello de Madrid.
Posteriormente, e en plena crise para conseguir material sanitario no mercado asiático, Ayuso mantivo unha conversación con Piqué solicitándolle contactos na zona, sobre todo polo ascendiente de Kosmos Holding alí.
Gerard Piqué é un dos tres socios fundadores de Kosmos Holding; os outros dous son o xaponés Hiroshi Mikitani e o chinés Edmund Chu
"Piqué o que fixo é facilitar contacto persoais e profesionais, así como con diferentes empresas de transporte, pero en ningún caso recibiu ningún tipo de compensación económica por iso", sinalou a EFE unha fonte próxima ao xogador barcelonista.
Ademais da compra de material, os contactos do xogador tamén permitiron organizar o traslado do mesmo a España en voos chárter.
Unha das operacións nas que Piqué cooperaría con Ayuso é a compra de máscaras para os madrileños que se repartiron de forma gratuíta nas farmacias (14 millóns de unidades por 32 millóns de euros), unhas cifras que non confirmaron desde a contorna do futbolista.
Gerard Piqué é un dos tres socios fundadores de Kosmos Holding; os outros dous son o xaponés Hiroshi Mikitani (CEO de Rakuten, propietario do Vissel Kobe e presidente da Orquestra Filarmónica de Tokio) e o chinés Edmund Chu.
Chu é o director executivo de Kosmos Holding, e director de SECA, unha empresa derepresentación de máis 200 deportistas en todo o mundo.