Trazan un pene no ceo en apoio do capitán da selección de Rusia

Artem Dzyuba sofre acoso ao filtrarse en redes un vídeo no que se lle ve masturbándose
Trazado del pene sobre Neftekamsk y Artem Dzyuba
photo_camera Trazado do pene sobre Neftekamsk e Artem Dzyuba

Un avión da aerolínea de baixo custo Pobeda trazou coa súa traxectoria un pene sobre a cidade de Neftekamsk, en Rusia, como sinal de apoio ao capitán da selección de fútbol rusa, Artem Dzyuba, suspendido logo de viralizarse un vídeo no que aparecía masturbándose.

Os pilotos do aparello están a ser investigados por este estraño acto de solidariedade coa estrela do Zenit de San Petesburgo e capitán da selección nacional.

Os informes da compañía sinalan que a tripulación solicitou permiso para realizar manobras aéreas coa escusa de "revisar o equipo de radio-navegación". Ademais, o voo aterrou 20 minutos tarde en Ekaterimburgo.

As autoridades consideran que tales xiros poderían ameazar a seguridade dos pasaxeiros e tratan de verificar se a tripulación rompeu os límites do comportamento ético.

Comentarios