Un xubilado de Cambrils (Tarragona) gañou 33 millóns de euros no Gordo Primitiva, un dos maiores premios individuais que deu este sorteo, e non 7,5 euros como el cría debido a un erro no teletexto televisivo.
Segundo informou o Diario de Tarragona, este xubilado levou o boleto varios días no peto pensando que só lle tocaron 7,5 euros, por culpa dun erro no teletexto televisivo. Cando finalmente foi a cobrar o boleto deuse conta de que lle tocaron un total de 33 millóns de euros e non os 7,5 que el pensaba, co que incluso conseguiu que lle abrisen o sábado unha oficina bancaria para asesorarlle.
O boleto premiado fora selado na Administración número 1 de Salou (Tarragona), situado na rúa Barcelona, pero o afortunado vive en Cambrils.