Un viño da adega ourensá da denominación Ribeiro, Coto de Gomariz, foi seleccionado entre os 100 Mellores Viños do Mundo polo seu caldo The flower and the bee (A flor e a abella).
A revista estadounidense Wines % Spirits Magazine elixiu este viño The Flower and the Bee Treixadura, no seu top 100, que reúne a aquelas adegas de todo o mundo que obtiveron as mellores notas globais en diferentes catas realizadas ao longo do ano.
Así, segundo apuntaron fontes da adega, a lista inclúe a algunhas das máis prestixiosas adegas en España como Matarromera, Emilio Moro, Penfols, Krug, Louis Roederer e a tres adegas galegas: Zárate en Rías Baixas, Quinta da Muradella en Monterrei e Coto de Gomariz no Ribeiro.
Este premio outórgase non só en función das calidades do viño, senón tamén pola "relación calidade-prezo, en tempos de crises".
Neste caso, o caldo elixido é "un tinto de uva autóctona: Sousón, unha uva pouco coñecida" que a adega intenta recuperar no val coñecido como "a milla de ouro" do Ribeiro, no século IX, e que conta cunhas "condicións únicas no mundo para o cultivo da vide".
Tras coñecer a noticia, fontes da adega manifestaron o seu "asombro" polos recoñecementos obtidos pola revista máis importante despois do mediático Robert Parker: a revista bimensual do crítico Stephen Tanzer, quen no seu número de setembro e outubro, seleccionou seis viños con 92 puntos; 90 e 91 o resto.
Para a adega, este premio supón "un gran alento'' para este equipo de xente nova capitaneado por Ricardo Carreiro, que pertence a unha longa saga de viticultores que desde 1978 decídese pasar á elaboración dos seus propios viños en Gomariz.
Actualmente, esta adega realiza unha porcentaxe de vendas a outros países "moi elevado", principalmente de Treixadura, que representan "a gran tendencia do momento".
Recentemente, o xornal The Irish Sun recomendaba nun artigo o consumo de Treixadura, unha uva que "chegará a ser tan grande - se non máis aínda- que o Albariño nos próximos anos", reflectiron.