Víase vir, que se O xogo da lura era a ficción estrela do catálogo de Netflix, as súas características indumentarias farían o propio na noite do 31 de outubro. Co que non contaban era con que Zara lles sairía ao encontro con seis propostas pensadas exclusivamente para Halloween, unha colección inédita polos seus deseños e porque nunca antes o buque insignia de Inditex lanzouse ao nicho dos disfraces en versión adulta.
Aos rechamantes lanzamentos deste último ano por parte da marca galega, como os carriños da compra ou unha liña para mascotas, agora sorprende con seis modelos para muller baixo o nome de Game Collection: disfrace de robot, de bolboreta, de galáctica, de dragón, de alien e de araña. Todos eles están formados por un mono dunha peza, de pantalón longo e efecto axustado, aínda que nalgúns casos tamén se inclúen complementos como luvas. Ademais, están dispoñibles en dúas tallas —a XS-S e a M-L— e o seu prezo é 49,95 euros.
Tamén un mono, pero vermello e acompañado dunha singular máscara, será o que invadirá as rúas con motivo da festividade de Halloween. A indumentaria que locen os personaxes da serie coreana O xogo da lura que encarnan os gardiáns, é dicir, os encargados de velar polo cumprimento das normas das diferentes probas, xa se converteu nun éxito de vendas que en Lugo se pode atopar na tenda +KIDEAS da Rúa San Roque. E os primeiros en poñer o look a disposición do cliente en España foi unha empresa de Ponteareas, Don Disfraz.
[ Vestimenta de gardián en O xogo da lura. DON DISFRAZ ]
Lía Novoa, responsable de mercadotecnia da firma, asegura que en canto se decataron da repercusión da serie coreana, puxéronse ao choio. "Entroido e Halloween acostuman a ser reflexos da realidade e se hai algo que fai moito ruído na sociedade, o normal é que acabe sendo un disfrace moi vendido", recorda Novoa. "Así foi co Satisfyer hai un par de anos", recordou. Foi a finais de setembro cando detectaron que "tiñamos que intentar ofrecer algo desta serie" e acertaron.
O DE MÁS ÉXITO. Polo momento, e segundo as cifras de vendas que manexa a compañía, o de O xogo da lura é
Zara ofrece seis modelos para Halloween, mentres Don Disfraz de Ponteareas ve como os seus deseños sobre a ficción coreana esgótanse
A longa sombra da serie de Netflix —que este xoves foi desbancada como a máis vista na plataforma en Estados Unidos por You— prevese que perdure ata o Entroido, as festas que se seguen levando a palma en España no que a disfraces se refire. Tamén en Galicia, onde o Samaín non precisa de caracterización, pero a influencia anglosaxoa leva anos alimentando a tradición de caricaturizarse na véspera do Día de Todos os Santos.
O PROCESO. Lía Novoa recorda que ao decatarse do boom da ficción coreana comezaron a súa procura de fabricantes do disfrace e, xa que ningún o ofrecía, contactaron cunha firma de Zaragoza coa que traballaron man a man no deseño do modelo. Con todo, "o día 8 de outubro xa o tiñamos á venda" e, desde entón, "cada vez que nos chega mercadoría, que nos vén aos poucos, xa se nos esgota", comenta a responsable de mercadotecnia dunha empresa que arrincou en 2007.
Para estas datas, Don Disfraz dispón da indumentaria de gardián —mono vermello, máscara e cinto—, así como de líder do xogo. E de cara ao Entroido, os de Ponteareas prevén incorporar ao seu catálogo o look dos xogadores, ataviados cun chándal verde e branco que se converteu en éxito de vendas para Zara, Mango ou Asos, que ofrecen conxuntos de suadeira e pantalón nestes tons.
A guerra por quen dominará as rúas o día 31 entre a sanguenta ficción —algúns colexios prohibiron que os seus alumnos leven os seus disfraces— e a aposta de Zara por conquistar Halloween, xa está servida.
