Cristina Ónega, a filla do xornalista polense Fernando Ónega, substituirá a Álvaro Zancajo como directora do Canal 24 Horas, segundo adiantou Dircomfidencial. A substitución enmárcase no proceso de remodelación da cúpula de RTVE, que tras a chegada de Rosa María Mateo como administradora única cambiou a todos os editores e todas as xefaturas. De feito, só en agosto as substitucións alcanzaron o medio centenar.
A xornalista de raíces lucenses regresa así á cadea pública, da que saíu para ocupar o seu actual posto como directora de comunicación do Consello Xeral do Poder Xudicial.
