Un pescador de cana que se atopaba nunhas rocas no lugar de Couso, unha zona próxima ás cetarias –no concello coruñés de Ribeira–, caeu ao mar mentres realizaba a actividade de pesca.
Tras recibir a alerta dun particular pasados uns minutos das 17.00 horas da tarde do domingo, o CAE 112 Galicia informou a Salvamento Marítimo, que puxo en marcha un operativo de rescate no que mobilizou ao helicóptero Pesca I e a unha embarcación.
Ademais, o 112 deu tamén o aviso aos efectivos de Protección Civil de Ribeira, ao grupo local de urxencias, ao Servizo Gardacostas de Galicia e á Policía Local. Os operativos manteñen a procura do home na costa de Ribeira.
Buscan a un pescador caído no mar en Ribeira
O home realizaba pesca de cana nunhas rocas de Couso cando se precipitou á auga durante a tarde deste domingo
