Un mozo foi rescatado esta madrugada tras caer nun buraco cando escapaba da Policía en Santiago. Así o confirmaron os compañeiros do ferido a través dunha chamada de urxencia ao 112 Galicia, á 1:40 horas deste venres.
Enseguida, o persoal do Centro Integrado de Atención ás Urxencias de Galicia avisou aos profesionais do 061-Urxencias Sanitarias e aos bombeiros da cidade, que procederon ao rescate do mozo.
Unha vez a salvo, foi atendido polos servizos sanitarios de urxencia posto que presentaba algunha ferida e queixábase de dor nunha perna.
A caída do mozo produciuse na Praza da Mercé de Conxo, onde os mozos se reuniron para facer botellón.
Ao ser sorprendidos pola Policía trataron de escapar, pero un deles caeu por un buraco do que os compañeiros eran incapaces de sacalo e chamaron ao 112.
