Un inmoble da rúa Mestre López Dafonde, no barrio ferrolán de Telleira, foi desaloxado esta tarde por mor da rotura dunha tubaxe de gas na fachada do edificio, indicaron a Efe fontes do corpo de bombeiros da cidade. Estes acudiron á chamada do 112, pouco despois das 17.30 horas e procederon a desaloxar o inmoble sen que se rexistrasen danos persoais.
Ao decatarse da rotura, foron os propios veciños os que cortaron a chave de paso do gas para evitar danos maiores. Urxencias desprazou unha ambulancia e mobilizou á Policía Local, así como aos técnicos de Repsol, a empresa subministradora, para reparar o tubo.
Desaloxan un edificio en Ferrol pola rotura dunha tubaxe do gas
Ao decatarse do percance, os veciños cortaron a chave de paso