Desaloxan unha escola de Vigo ao incendiarse uns cables da súa fachada

Os sete alumnos da escola infantil de Bouzas, en Vigo, foron desaloxados este xoves ao declararse un incendio de escasas dimensións no seu centro.

O 112 Galicia recibiu unha chamada dos responsables da escola minutos logo das 8:00 horas. Segundo explicaron, o lume calcinou uns cables da fachada do edificio, situado na rúa Casiano Martínez. Engadiron que todos os nenos e nenas xa foran desaloxados e que todos eles se atopaban en perfectas condicións.

Desde o Centro de Atención ás Emerxencias do 112 alertaron aos Bombeiros de Vigo e á Policía Local. Tamén se informou, por precaución, a Urxencias Médicas.