Un home de 33 anos faleceu na Coruña tras sufrir unha parada cardiorrespiratoria na rúa cando se dirixía a coller un taxi na madrugada do pasado domingo. Segundo informou este martes a Policía Local, os feitos producíronse sobre as 05.30 horas do día 9 na zona da glorieta do Pavo Real.
Ata alí desprazáronse varias patrullas tras unha chamada alertando do sucedido. Ao lugar, acudiu unha ambulancia do 061, cuxos sanitarios trataron de reanimar o home, de 33 anos, con resultado negativo.
O seu acompañante, de 32 anos, explicoulles que cando se dirixía co seu amigo a coller un taxi, o falecido indicoulle que se atopaba mal e desvaneceuse case ao instante e que nese momento chamou á Policía Local para pedir auxilio.
