Unha persoa faleceu na praia barreirense de Arealonga, en Reinante, cara ás sete desta tarde.
Trátase dunha persoa moi nova que foi avistada na auga con dificultades por persoas que se atopaban no areal e alertaron ao 112, xa que non hai socorristas nesa praia. Só hai un no termo municipal que opera desde a lancha de salvamento atendendo os avisos do 112 ao non haberse presentado máis ou marcharse algúns a outros concellos.
Desde o 112 alertouse ao servizo de Gardacostas, a Protección Civil, Garda Civil e 061 que cando chegou realizou manobras de reanimación que non conseguiron o seu obxectivo. Antes xente que estaba no areal xa había tratado de reanimar ao mozo, que non respondeu a elas.
Trátase do primeiro suceso grave destas características acaecido na provincia no que vai de verán.
